Тренерот на Јувентус, Чиро Ферара, воопшто не е изненаден што претседателот на Интер јавно изјави дека ќе навива за Лацио во нивниот дуел денес на Олимпико.

“Ќе бев изненаден ако не го речеше тоа.“ - се насмеа Ферара. “Интер се плаши од нас, самата оваа изјава е доказ за тоа, тие чуствуваат притисок од нас.“

“Како било, сакам да кажам дека веќе и сум изморен контра-изјави секогаш кога некој ќе каже нешто за Јууве. Ќе пробам да се држам надвор од тие провокации.“ 

Потоа тој застана и во одбрана на изјавата на Марчело Липи кој предвиде дека Јувентус ќе биде шампион.

“Факт е дека Јувентус дава најваќе репрезентативци од било кој топ клуб  во Серија А. Затоа и селекторот сака да се фокусира на овие играчи кои играат на највисоко можно ниво и се Италијанци.“ - заврши Ферара кој после дуелот со Рома на Олимпико, сега му гостува и на Лацио. Сигурно се надева на истиот исход како со “волчицата“ 3:1 за “старата дама“.

Дефанзивецот на Барселона, Мартин Касерес, кој сезонава е позајмен на Јувентус вели дека сезонава би можело Чиро Ферара да го стори она што лани Гвардиола го направи со Барселона.

“Многу сум среќен тука. Ова е прилично компетитивна група и сите се големи шампиони. Изненаден сум од Диего, тој е вистинска светска класа фудбалер. Но тој не е единствениот и затоа сите тука сме големи оптимисти во пресрет на оваа сезона.“

“Ферара има голема харизма и многу добро се снаоѓа во менаџирањето на тимот. Знае како да не фокусира, како да ја намали тензијата која се прави пред некој дуел. Ако вака продолжи би можел да го постигне истотото што лани го стори Гвардиола, тој ги има тие квалитети, а и Јуве се доста квалитетни.“ - заврши Касерес со интервјуто дадено за Tuttosport.